Do Aco Tinganak

Kinanakku Sakai,

Sagan pana' iko na idi arang kai.. Iamo terawe kai nemuh na mileh mekilep. Iko mepad kudeng aceh batu luk meraga. Iko metueh, iko ngetueh. Megai kua' ui nangi sebuleng, nakap batu luk meraga ineh. Iamo ieh pengeh ilap rat arang uned kai. Ui keli bang aco luk muci, kudeng uih lutep bang Tuhan, keli rungen uih mepapu batu luk meraga ineh.

Bang aco sinih, limeh puluh teluh lak luk nepelaba, Tuhan nemere batu luk meraga ineh ame bang abin ina & ama. Ame temina dalan idih nguyut nekai luk isut. Tuhan nemipi nemuh, makai ulun mu mangun ku batu luk do' ayu siren lemulun.. Iko mawa, mada idih matar nekai pad kai miak mangun mulun mepad kudeng batu luk do taga ineh. Idi bang aco sinih, kai pian mada ubur nan Tuhan luk nemudut nemuh, idi nemere kereb kuan tau mangun ku kinanak bang tana ini..

Do aco tinganak, Sakai.

Awa idi terawe kai nemuh na metutu idih do mepapu beruh...

Ratnan,

Ama & Ina

Mutang, Dina, Rangai, Gerit, Martha & Munga
___________________________________________________________